தர்மபுரி அருகே கல்லூரி மாணவி கடத்தல்

தர்மபுரி:

தர்மபுரி அருகே உள்ள லளிகம் பகுதியை சேர்ந்த 17 வயது மாணவி தர்மபுரி பகுதியில் உள்ள ஒரு கல்லூரியில் முதலாம் ஆண்டு படித்து வந்தார். இந்த மாணவி கடந்த சில நாட்களுக்கு முன்பு மாயமானார். பல்வேறு இடங்களில் தேடி பார்த்தும் அவரை கண்டுபிடிக்க முடியவில்லை. இதனால் அதிர்ச்சி அடைந்த பெற்றோர், தர்மபுரி அனைத்து மகளிர் போலீஸ் நிலையத்தில் புகார் அளித்தனர். அதில் ஜருகு பகுதியை சேர்ந்த விஜய் (வயது 20) என்ற வாலிபர் தங்கள் மகளை கடத்தி சென்று இருப்பதாக தெரிவித்துள்ளனர். இது தொடர்பாக தர்மபுரி அனைத்து மகளிர் போலீசார் வழக்குப்பதிவு செய்து விசாரணை நடத்தி வருகிறார்கள்.