கல்லூரி மாணவர் தூக்குப்போட்டு தற்கொலை

புதுப்பேட்டை,

கல்லூரி மாணவர்

பண்ருட்டிஅருகே ஒறையூர் கிராமத்தை சேர்ந்தவர் அன்பழகன். இவரது மகன் ஆகாஷ் (வயது 21). அங்குசெட்டிப்பாளையத்தில் உள்ள தனியார் பாலிடெக்னிக் கல்லூரியில் மெக்கானிக்கல் பிரிவில் இரண்டாம் ஆண்டு படித்து வந்தார். இந்த நிலையில் கடந்த சில நாட்களாக ஆகாஷ் சரிவர கல்லூரிக்கு செல்லாமல் வீட்டில் இருந்து வந்ததாக கூறப்படுகிறது.

இதனால் அவரை பெற்றோர் கண்டித்துள்ளனர். இதில் மனமுடைந்த ஆகாஷ் நேற்று வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். இதைப்பார்த்த அவரது பெற்றோர் கதறி அழுதனர்.

போலீசார் விசாரணை

இது குறித்த தகவலின் பேரில் புதுப்பேட்டை போலீசார் சம்பவ இடத்துக்கு விரைந்து சென்று ஆகாசின் உடலை கைப்பற்றி பிரேத பரிசோதனைக்காக பண்ருட்டி அரசு மருத்துவமனைக்கு அனுப்பி வைத்தனர். இதுகுறித்து அன்பழகன் புதுப்பேட்டை போலீசில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அப்பகுதி மக்களிடையே பெரும் சோகத்தை ஏற்படுத்தி உள்ளது.