கல்லூரி மாணவர் பலி

காரியாபட்டி,

காரியாபட்டி பாண்டியன் நகரை சேர்ந்த தாஸ் என்பவரின் மகன் பிரித்திவிராஜ் (வயது 23). கோவையில் உள்ள ஒரு தனியார் பொறியியல் கல்லூரியில் இறுதியாண்டு படித்து வரும் இவர் தனது சொந்த ஊருக்கு கோவில் திருவிழாவிற்கு வந்துள்ளார். இந்தநிலையில் திருவிழாவில் கரகாட்டம் பார்த்து விட்டு நான்கு வழிச்சாலையில் உள்ள டீக்கடைக்கு டீ சாப்பிட சாலையை மோட்டார் சைக்கிளில் கடந்தார்.அப்போது அடையாளம் தெரியாத வாகனம் மோதியதில் பிரித்திவிராஜ் சம்பவ இடத்திலேயே பரிதாபமாக உயிரிழந்தார். இதுகுறித்து தகவலறிந்து சென்ற காரியாபட்டி போலீசார், பிரித்திவிராஜீன் உடலை கைப்பற்றி பிரேத பரிசோதனைக்காக அருப்புக்கோட்டை அரசு மருத்துவமனைக்கு அனுப்பி வைத்தனர்.இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.