விபத்தில் கல்லூரி மாணவர் பலி

ஸ்ரீவில்லிபுத்தூர்,

ஸ்ரீவில்லிபுத்தூர் அருகே அத்திகுளத்தை சேர்ந்த கிருஷ்ணசாமி மகன் கனகவேல் (வயது 18). இவர் ஸ்ரீவில்லிபுத்தூர் அருகே உள்ள ஒரு தனியார் கல்லூரியில் படித்து வந்தார். சம்பவத்தன்று கல்லூரி முடிந்தவுடன் தனது உறவினர் மணிகண்டன் என்பவருடன் மோட்டார் சைக்கிளில் வந்து கொண்டு இருந்தார். அப்போது நிலை தடுமாறி கீழே விழுந்ததில் கனகவேல் படுகாயம் அடைந்தார். மணிகண்டனுக்கு லேசான காயம் ஏற்பட்டது. உடனே அவரை மீட்டு மதுரையில் உள்ள தனியார் ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி கனகவேல் பரிதாபமாக இறந்தார். இதுகுறித்து கிருஷ்ணசாமி கொடுத்த புகாரின் பேரில் வன்னியம்பட்டி போலீசார் வழக்குப்பதிவு செய்து விசாரணை நடத்தி வருகிறார்கள்.