மோட்டார் சைக்கிள்கள் மோதல்; ரப்பர் தோட்ட தொழிலாளி சாவு

குலசேகரம்:

குலசேகரம் அருகே மோட்டார் சைக்கிள்கள் மோதிய விபத்தில் ரப்பர் தோட்ட தொழிலாளி பரிதாபமாக இறந்தார்.

தொழிலாளி

குலசேகரம் அருகே உள்ள உண்ணியூர்கோணம் நாரகத்துவிளையை சேர்ந்தவர் ஹரீந்திரன் (வயது 52), தனியார் ரப்பர் பால் வெட்டும் தொழிலாளி. இவருடைய மனைவி தீபா குமாரி. இவர்களுக்கு 2 மகன்கள் உள்ளனர். இந்தநிலையில் சம்பவத்தன்று ஹரீந்திரன் குலசேகரம் அரசமூடு பகுதியில் உள்ள தனது உறவினர் வீட்டு திருமண நிகழ்ச்சியில் கலந்து கொண்டு விட்டு இரவு மோட்டார். சைக்கிளில் வீட்டுக்கு திரும்பி சென்று கொண்டிருந்தார். அப்போது உண்ணியூர் கோணம் பகுதியில் இவரது மோட்டார் சைக்கிளின் பின்னால் வந்த சேக்கல் பகுதியை சேர்ந்த ஜெபசாமுவேல் (26) ஓட்டி வந்த மோட்டார் சைக்கிள் எதிர்பாராத விதமாக மோதியது. இதில் இருவரும் தூக்கி வீசப்பட்டு படுகாயமடைந்தார்.

சாவு

உடனே அப்பகுதியை சேர்ந்தவர்கள் ஹரீந்திரனை மீட்டு குலசேகரத்தில் உள்ள ஒரு தனியார் ஆஸ்பத்திரியில் சிகிச்சைக்காக சேர்த்தனர். பின்னர் மேல் சிகிச்சைக்காக திருவனந்தபுரத்தில் உள்ள தனியார் ஆஸ்பத்திரிக்கு கொண்டு செல்லப்பட்டார். ஜெப சாமுவேல் மார்த்தாண்டத்தில் உள்ள தனியார் ஆஸ்பத்திரியில் தீவிர சிகிச்சை பெற்று வருகிறார்.

இந்தநிலையில் நேற்று முன்தினம் சிகிச்சை பலனின்றி ஹரீந்திரன் பரிதாபமாக இறந்தார். இதுகுறித்து அவருடைய மகன் நிஷாந்த் குலசேகரம் போலீசில் புகார் அளித்தார். அதன்பேரில் வழக்குப்பதிவு செய்து போலீசார் விசாரணை நடத்தி வருகின்றனர்.