150 கர்ப்பிணிகளுக்கு சமுதாய வளைகாப்பு

குடியாத்தம் ஒருங்கிணைந்த குழந்தைகள் வளர்ச்சி பணிகள் துறை சார்பில் ஊட்டச்சத்து மாத விழாவிற்காக ஊராட்சிகளில் ஊட்டச்சத்தை தூண்டுதல் என்ற திட்டத்தின் கீழ் குடியாத்தம் நகராட்சி பகுதியை சேர்ந்த 150 கர்ப்பிணிகளுக்கு சமுதாய வளைகாப்பு நிகழ்ச்சி நடைபெற்றது. நிகழ்ச்சிக்கு ஒருங்கிணைந்த குழந்தை வளர்ச்சிப் பணிகள் துறையின் மாவட்ட திட்ட அலுவலர் வி.கோமதி தலைமை தாங்கினார். நகர மன்ற உறுப்பினர்கள் சி.‌என்.பாபு, எம்.மனோஜ், என்.கோவிந்தராஜ், எம்‌.ஏகாம்பரம் உள்ளிட்டோர் முன்னிலை வகித்தனர்.

குடியாத்தம் நகராட்சி ஆணையாளர் ஏ.திருநாவுக்கரசு, நகர மன்ற துணைத் தலைவர் பூங்கொடிமூர்த்தி, வட்டார மருத்துவ அலுவலர் விமல்குமார் ஆகியோர் வாழ்த்துரை வழங்கினார்கள். சிறப்பு அழைப்பாளர்களாக குடியாத்தம் சட்டமன்ற உறுப்பினர் அமலுவிஜயன், குடியாத்தம் நகர மன்ற தலைவர் எஸ். சவுந்தரராசன் ஆகியோர் கலந்து கொண்டு சிறப்புரையாற்றினார்கள். தொடர்ந்து 150 கர்ப்பிணிகளுக்கு வேலூர் பாராளுமன்ற உறுப்பினர் டி.எம்.கதிர்ஆனந்த் வழங்கிய புடவை உள்ளிட்ட சீர்வரிசை பொருட்களை வழங்கினார்கள். அரசு அதிகாரிகள் பலர் கலந்து கொண்டனர். முடிவில் குடியாத்தம் குழந்தை வளர்ச்சி திட்ட அலுவலர் ஷமீம்ரிஹானா கூறினார்.