புகார் பெட்டி

சேதமடைந்த சாலை

சிவகங்கை மாவட்டம் திருப்புவனம் ரெயில்வே கேட் செல்லும் சாலை சேதமடைந்து குண்டும், குழியுமாக காட்சியளிக்கிறது. இதனால் இந்த சாலையில் வாகனங்களை இயக்க முடியாமல் வாகனஓட்டிகள் சிரமப்படுகிறார்கள். எனவே சம்பந்தப்பட்ட அதிகாரிகள் சேதமடைந்த சாலையை சரிசெய்ய வேண்டும்.

வினோத், திருப்புவனம்.

விவசாயிகள் சிரமம்

சிவகங்கை மாவட்டம் திருப்பத்தூர் அருகே முருகுடியேந்தலில் உள்ள கண்மாய் பல ஆண்டுகளாக பராமரிப்பின்றி தூர்வாரப்படாமல் உள்ளது. இதனால் நீர் தட்டுப்பாடு நிலவுவதால் விவசாய பணிகள் மேற்கொள்ள முடியாமல் விவசாயிகள் சிரமப்படுகிறார்கள். கண்மாயை தூர்வார அதிகாரிகள் நடவடிக்கை எடுப்பார்களா?

ஆறுமுகம் சேதுராமன், முருகுடியேந்தல்.

மின்கம்பம் சேதம்

சிவகங்கை மாவட்டம் கோட்டையூர் அருகே அண்ணாமலையார் நகரில் உள்ள மின்கம்பம் சேதமடைந்த நிலையில் காணப்படுகிறது. இதனால் இதனை கடந்து செல்லும் பொதுமக்கள் அச்சப்படுகிறார்கள். மேலும் குறைந்த அழுத்தத்தில் மின்சாரமானது வினியோகிக்கப்படுகிறது. எனவே அதிகாரிகள் சேதமடைந்த மின்கம்பத்தை சரிசெய்ய வேண்டும்.

ராஜேஷ்கண்ணன், கோட்டையூர்.

ஆக்கிரமிப்பு அகற்றப்படுமா?

சிவகங்கை மாவட்டம் திருப்பத்தூர் பஸ் நிறுத்தம் எதிரில் உள்ள சாலை ஆக்கிரமிக்கப்பட்டுள்ளது. இதனால் இந்த சாலையை பயன்படுத்த முடியாமல் வாகனஓட்டிகள் தடுமாறுகிறார்கள். எனவே சம்பந்தப்பட்ட அதிகாரிகள் ஆக்கிரமிப்பை அகற்ற நடவடிக்கை எடுக்க வேண்டும்.

வின்சென்ட்ராஜ், திருப்பத்தூர்.

கால்நடைகள் தொல்லை

சிவகங்கை நகரில் கால்நடைகள் அதிக அளவில் சாலையில் நடமாடுகின்றன. இதனால் இந்த சாலையில் அடிக்கடி விபத்துகள் நிகழ்ந்த வண்ணம் உள்ளன. பெரும் அசம்பாவிதம் ஏற்படும் முன்னர் அதிகாரிகள் சாலையில் சுற்றித்திரியும் கால்நடைகளை பிடித்து அப்புறப்படுத்தி உரிமையாளர்களுக்கு அபராதம் விதிக்க வேண்டும்.

ஜஸ்டின், சிவகங்கை.