புகார் பெட்டி

கருவேல மரங்கள் ஆக்கிரமிப்பு

சிவகங்கை மாவட்டம் திருப்பத்தூர் தாலுகா கீழநிலை கிராமம் வார்த்துரணி குளம் சீமைக்கருவேல மரங்களால் ஆக்கிரமிக்கப்பட்டுள்ளது. இதனால் தண்ணீர் சேகரிப்பதில் சிரமம் ஏற்பட்டுள்ளது. எனவே குளத்தில் கருவேல மரங்களை அகற்றி தூர்வார சம்பந்தப்பட்ட அதிகாரிகள் நடவடிக்கை எடுப்பார்களா?

தினேஷ், திருப்பத்தூர்

சேதமடைந்த சாலை

சிவகங்கை மாவட்டம் திருப்புவனம் மற்றும் அதனை சுற்றியுள்ள பகுதிகளில் சாலை ஆங்காங்கே சேதமடைந்து காணப்படுகிறது. இதனால் இந்த பகுதியில் உள்ள வாகன ஓட்டிகள் அவதிப்படுகின்றனர். எனவே இந்த பகுதியில் சேதமடைந்த சாலையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், திருப்புவனம்.

தெருநாய்கள் தொல்லை

சிவகங்கை மாவட்டம் காளையார் கோவில் ஒன்றியம் உடைகுளத்தில் தெருநாய்களின் தொல்லை அதிகமாக உள்ளது. இந்த நாய்களால் பொதுமக்கள் சாலையில் செல்ல மிகவும் அச்சப்படுகின்றனர். மேலும் வாகனங்ளின் மீது மோதுவதால் அவ்வப்போது சிறு, சிறு விபத்துக்கள் நிகழ்ந்த வண்ணம் உள்ளது. எனவே இந்த பகுதியில் சுற்றித்திரியும் தெருநாய்களை பிடித்து அப்புறப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

முருகன், காளையார்கோவில்

கூடுதல் பஸ்கள் தேவை

சிவகங்கை மாவட்டம் எஸ்.புதூர் பகுதியில் இயக்கப்படும் பஸ்கள் போதுமானதாக இல்லை. இதனால் இந்த பகுதியில் உள்ளவர்கள் செல்ல வேண்டிய இடத்திற்கு குறித்த நேரத்தில் செல்ல முடியாமல் சிரமப்படுகின்றனர். எனவே இந்த பகுதியில் கூடுதல் பஸ் இயக்கிட சம்பந்தப்பட்ட அதிகாரிகள் நடவடிக்கை எடுப்பார்களா?

பொதுமக்கள், எஸ்.புதூர்.

சுகாதார சீர்கேடு

சிவகங்கை நகர் மற்றும் அதனை சுற்றியுள்ள பகுதிகளில் ஆங்காங்கே குப்பைகள் தேங்கி கிடக்கிறது. இதனால் சுகாதார சீர்கேடு ஏற்படுகின்ற நிலை உள்ளது. எனவே நகரில் குப்பைகள் தேங்காதவாறு அவ்வப்போது அப்புறப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், சிவகங்கை.