புகார் பெட்டி

தெரு விளக்கு வேண்டும்

சிவகங்கை மாவட்டம் தேவகோட்டையில் இருந்து சருக்னி செல்லும் சாலையில் தெரு விளக்குகள் இல்லை. இதனால் இந்த பகுதி முழுவதும் இருள் சூழ்ந்து காணப்படுகிறது. மேலும் இரவு நேரங்களில் சாலையில் சுற்றித்திரியும் கால்நடைகளின் மீது வாகனஓட்டிகள் மோதி விபத்தில் சிக்கி காயமடைகின்றனர். எனவே தெரு விளக்கு அமைத்து தர அதிகாரிகள் நடவடிக்கை எடுக்க வேண்டும்.

கூடுதல் குடிநீர் வினியோகிக்கப்படுமா?

சிவகங்கை மாவட்டம் திருப்பத்தூர் பகுதியில் குடிநீருக்கு தட்டுப்பாடு ஏற்பட்டுள்ளது. வினியோகிக்கப்படும் குடிநீரும் குறைந்த அளவில் வழங்கப்படுகிறது. இதனால் அடிப்படை தேவைகளுக்கு மக்கள் தண்ணீரின்றி அவதியடையும் நிலை ஏற்பட்டுள்ளது.எனவே இப்பகுதியில் கூடுதலாக குடிநீர் வினியோகிக்க நடவடிக்கை எடுக்க வேண்டும்.

ஆபத்தான மின்கம்பம்

சிவகங்கை மாவட்டம் கல்லல் ஒன்றியத்திற்கு உட்பட்ட வெற்றியூர் ஊராட்சியில் மேலக்குடியிருப்பு பகுதியில் உள்ள மெயின்ரோட்டில் உடைந்து விழும் நிலையில் மின்கம்பம் ஒன்று உள்ளது. மின்கம்பத்தின் சிமெண்டு பூச்சுகள் பெயர்ந்து கம்பிகள் வெளியே தெரிந்த நிலையில் காணப்படுகிறது. இந்த மின்கம்பத்தால் விபத்து ஏற்படும் அபாயம் உள்ளது. எனவே மின்கம்பத்தை மாற்றி அமைக்க நடவடிக்கை எடுக்க வேண்டும்.

ஆக்கிரமிப்பு

சிவகங்கை மாவட்டம் காரைக்குடி பஸ் நிலையம் அருகே சிலர் தங்கள் இருசக்கர வாகனங்களை சாலையில் ஆங்காங்கே நிறுத்தி செல்கின்றனர். இதனால் நடைபாதையினரும், வாகனஓட்டிகளும் சாலையில் பயணிக்க முடியாமல் அவதியடைகின்றனர். எனவே பஸ் நிலையம் அருகே வாகனங்களை நிறுத்துவதை தடுக்க அதிகாரிகள் நடவடிக்கை எடுக்க வேண்டும்.

பயணிகள் சிரமம்

சிவகங்கையில் இருந்து காரைக்குடிக்கு மதிய வேளைகளில் இயக்கப்படும் பஸ் போதுமானதாக இல்லை. இதனால் இந்த வழியாக பயணிக்கும் பயணிகள் நீண்ட நேரம் காத்திருந்து பயணிக்கின்றனர். இதனால் கால விரயம் ஏற்பட்டு அவர்களின் அன்றாட வேளைகள் பாதிக்கப்படுகிறது. எனவே இந்த வழித்தடத்தில் கூடுதல் பஸ் இயக்க நடவடிக்கை எடுக்க வேண்டும்.