புகார் பெட்டி


புகார் பெட்டி
x
தினத்தந்தி 3 Nov 2022 12:15 AM IST (Updated: 3 Nov 2022 12:15 AM IST)
t-max-icont-min-icon

தினத்தந்தி புகார் பெட்டிக்கு 8939078888 என்ற வாட்ஸ்- அப் எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-

சிவகங்கை

குடிநீர் வினியோகம் வேண்டும்

சிவகங்கை மாவட்டம் காஞ்சிரங்கால் ஊராட்சி சூரக்குளம் ரோட்டில் புதிதாக தண்ணீர் டேங் கட்டப்பட்டு பல மாதங்கள் ஆகியும் குடிநீர் வினியோகம் நடைபெறவில்லை. இதனால் இந்த பகுதியில் உள்ள மக்கள் தண்ணீருக்கு மிகவும் சிரமப்படுகின்றனர். எனவே இந்த பகுதியில் புதிதாக கட்டப்பட்ட டேங்கிலிருந்து குடிநீர் வினியோகிக்க அதிகாரிகள் நடவடிக்கை எடுக்க வேண்டும்.

முருகேஷ், காஞ்சிரங்கால்.

நாய்கள் தொல்லை

சிவகங்கை மாவட்டம் கல்லல் பகுதியில் தெருநாய்கள் சாலையில் கூட்டம் கூட்டமாக சுற்றித்திரிகின்றன. இந்த நாய்கள் சாலையில் செல்பவர்களை துரத்துவதால் பொதுமக்கள் வீட்டை விட்டு வெளியே வர அச்சப்படுகின்றனர். மேலும் நாய்கடியால் சிலர் பாதிக்கப்படும் நிலை உள்ளது. எனவே பொதுமக்களுக்கு இடையூறு ஏற்படுத்தும் நாய்களை பிடித்து அப்புறப்படுத்த நடவடிக்கை எடுக்க வேண்டும்.

மாரியப்பன், கல்லல்.

சேதமடைந்த சுற்றுச்சுவர்

சிவகங்கை மாவட்டம் திருப்பத்தூர் தீயணைப்பு நிலையத்தின் சுற்றுச்சுவர் சேதமடைந்து காணப்படுகிறது. சுவரின் அடிப்பகுதி அதன் வலிமையை இழந்து வருகிறது. எந்த நேரத்திலும் விழும் நிலையில் இந்த சுவர் உள்ளது. எனவே அதிகாரிகள் சுற்றுச்சுவரை சீரமைக்க நடவடிக்கை எடுக்க வேண்டும்.

சுரேஷ்குமார், திருப்பத்தூர்.

கரடு முரடான சாலை

சிவகங்கை மாவட்டம் கீழத்துறையூரிலிந்து சுமாதரப்பு வழியாக மேலத்துறையூர் செல்லும் சாலை சேதமடைந்து கரடு முரடாக காட்சியளிக்கிறது. விபத்து அபாயம் உள்ளதால் வாகனஓட்டிகள் சாலையில் பயணிப்பதை தவிர்த்து வருகின்றனர். இதனால் அவர்கள் மாற்று பாதையில் செல்லும் நிலை உள்ளது. எனவே சாலையை சீரமைக்க அதிகாரிகள் நடவடிக்கை எடுக்க வேண்டும்.

சுப்பிரமணியன், சிவகங்கை.

போக்குவரத்து நெரிசல்

சிவகங்கை மாவட்டம் காரைக்குடி பகுதியில் போக்குவரத்து நெரிசல் அதிகரித்து காணப்படுகிறது. சாலையில் பயணிக்க முடியாமல் வாகனஓட்டிகள் அவதியடைகின்றனர். மேலும் நெரிசலில் சிக்கி வாகனஓட்டிகள் சிறு, சிறு விபத்துகளில் சிக்கும் அபாயம் உள்ளது. எனவே போக்குவரத்து நெரிசலை கட்டுப்படுத்த நடவடிக்கை எடுக்க வேண்டும்.

முத்துவேல், காரைக்குடி.


Next Story