புகார் பெட்டி

தெருவிளக்குகள் வேண்டும்

ராமநாதபுரம் ராணி இந்திரா தேவி நகரில் பெரும்பாலான இடங்களில் உள்ள தெருவிளக்குகள் எரிவதில்லை. இதனால் இரவு நேரங்களில் சாலைகளில் நடந்து செல்லும் பொதுமக்கள் மிகவும் அவதிப்படுகின்றனர். எனவே விளக்குகள் அமைக்க சம்பந்தப்பட்ட துறையினர் நடவடிக்கை எடுக்க வேண்டும்.

இனியன் தமிழ், ராமநாதபுரம்.

போக்குவரத்து நெரிசல்

ராமநாதபுரம் மாவட்டம் ராமேசுவரம் நகர் பகுதிகளில் காலை மற்றும் மாலை நேரங்களில் கடுமையான போக்குவரத்து நெரிசல் ஏற்படுகிறது. இதனால் வேலைக்கு செல்பவர்களும் மாணவர்களும் மிகவும் சிரமப்படுகின்றனர். எனவே போக்குவரத்து நெரிசலை கட்டுப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

அஹமதுகான், ராமேசுவரம்.

சேதமடைந்த சாலை

ராமநாதபுரம் புதிய பஸ் நிலையம் செல்லும் ரோடு சில இடங்களில் சேதமடைந்து குண்டும், குழியுமாக காட்சியளிக்கிறது. இதனால் வாகன ஓட்டிகள் விபத்தில் சிக்கும் அபாயமும் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுப்பார்களா?

அன்வர், ராமநாதபுரம்.

கொசுத்தொல்லை

ராமநாதபுரம் மாவட்டம் ஆர்.எஸ்.மங்கலம் பேரூராட்சி பகுதிகளில் கொசுத்தொல்லை அதிகமாக உள்ளது. கொசுக்களினால் டெங்கு, மலேரியா உள்ளிட்ட பல்வேறு மர்ம காய்ச்சல் மற்றும் நோய் பரவும் அபாயம் உள்ளது. எனவே கொசு தொல்லையை கட்டுப்படுத்த நடவடிக்கை எடுக்க வேண்டும்.

கண்ணன், ஆர்.எஸ்.மங்கலம்.தினத்தந்தி புகார் பெட்டிக்கு 8939078888 என்ற வாட்ஸ்- அப் எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-

தொல்லை தரும் குரங்குகள்

ராமநாதபுரம் மாவட்டம் அபிராமம் பகுதியில் குரங்குகள் அதிக அளவில் சுற்றித்திரிகின்றன. இந்த குரங்குகள் பொதுமக்களை மிகவும் தொல்லை செய்கிறது. மேலும் பொதுமக்களை கடிக்க துரத்துவதால் அச்சம் அடைகின்றனர். இதனால் பொதுமக்கள் வெளியே செல்ல மிகவும் சிரமப்படுகின்றனர். எனவே, வனத்துறையினர் குரங்குகளை கூண்டு வைத்து பிடிக்க உரிய நடவடிக்கை எடுப்பார்களா?

பொதுமக்கள், அபிராமம்.