புகார் பெட்டி

சேதமடைந்த நீர்தேக்க தொட்டி

ராமநாதபுரம் மாவட்டம் பரமக்குடி தாலுகா நத்தம் கிராமத்தில் உள்ள நீர்தேக்க தொட்டி சேதமடைந்து மோசமான நிலையில் உள்ளது. இதனால் அப்பகுதியில் வசிக்கும் மக்கள் மிகவும் அச்சப்படுகின்றனர். எனவே சேதமடைந்த நீர்தேக்க தொட்டியை அகற்றிவிட்டு புதிய தொட்டி கட்டித்தர சம்பந்தப்பட்ட அதிகாரிகள் நடவடிக்கை எடுப்பார்களா?

ஜெசிம் கான்,ராமநாதபுரம்.

சுகாதார சீர்கேடு

ராமநாதபுரம் நகர் பகுதிகளில் சில இடங்களில் பொது இடங்களில் குப்பைகளை கொட்டுகின்றனர். இதனால் சுகாதார சீர்கேடு ஏற்படுவதுடன் நடந்து செல்லும் பொதுமக்கள் அவதிப்படுகின்றனர். எனவே இதுகுறித்து நடவடிக்கை எடுக்கப்படுமா?

வசந்த், ராமநாதபுரம்.

கருவேலமரங்கள் அகற்றப்படுமா?

ராமநாதபுரம் மாவட்டம் ஆர்.எஸ்.மங்கலம் மற்றும் சுற்றுவட்டார பகுதிகளில் உள்ள கண்மாய்களில் கருவேல மரங்களும் முட்புதர்களும் நிறைந்து காணப்படுகிறது. இதனால் விவசாயிகள் முழுக்கொள்ளளவு நீரை சேமிக்க முடியாமல் சிரமப்படுகின்றனர். எனவே கருவேல மரங்களை அகற்ற நடவடிக்கை எடுக்க வேண்டும்.

கார்த்திக், ஆர்.எஸ். மங்கலம்.

போக்குவரத்து நெரிசல்

ராமநாதபுரம் மாவட்டம் கீழக்கரை நகர் பகுதிகளில் பகலில் கனரக வாகனங்கள் அதிகம் வருவதால் போக்குவரத்து நெரிசல் அதிகம் ஏற்படுகிறது. இதனால் மாணவர்கள் வேலைக்கு செல்வோர் மிகவும் சிரமப்படுகின்றனர். எனவே அதிகாரிகள் நடவடிக்கை எடுக்க வேண்டும்

அப்துல் காதர், கீழக்கரை.

கொசுத்ெதால்லை

ராமநாதபுரம் மாவட்டம் நயினார்கோவில் மற்றும் அதன் சுற்றுவட்டார பகுதிகளில் கொசுக்களின் தொல்லை நாளுக்கு நாள் அதிகரித்து வருகிறது. இதனால் பொதுமக்கள் இரவு நேரங்களில் மிகவும் சிரமப்படுகின்றனர். எனவே கொசுக்களை ஒழிக்க தகுந்த நடவடிக்கை எடுக்கப்படுமா?

கணேசன், நயினார்கோவில்.