தினத்தந்தி புகார் பெட்டி: மக்கள் குறைகள் தொடர்பான பதிவுகள்

அடிப்படை வசதிகள் தேவை

சிவகங்கை மாவட்டம் இரணசிங்கபுரம் ஊராட்சிக்குட்பட்ட கிருஷ்ணா டவுன் பகுதியில் சாலைவசதி மற்றும் கழிவுநீர் கால்வாய் வசதி போன்ற அடிப்படை வசதிகள் இல்லை. இந்த அடிப்படை வசதிகள் இல்லாததால் மழைக்காலங்களில் இங்குள்ள மக்கள் மிகவும் சிரமப்படுகின்றனர். எனவே இந்த பகுதியில் அடிப்படை வசதிகள் ஏற்படுத்தி தர அதிகாரிகள் நடவடிக்கை எடுக்க வேண்டும்.

நிறைமதி, இரணசிங்கபுரம்.

தினத்தந்தி புகார் பெட்டி: மக்கள் குறைகள் தொடர்பான பதிவுகள்

சிவகங்கை புறநகர் பகுதிகளில் உள்ள தெருவிளக்குகளில் ஒரு சில விளக்குகள் எரியாமல் உள்ளன. இதனால் சாலையில் பயணிக்கும் வாகன ஓட்டிகள் சிரமப்படுகின்றனர். எனவே இந்த பகுதியில் அனைத்து தெருவிளக்குகளும் ஒளிர அதிகாரிகள் நடவடிக்கை எடுக்க வேண்டும்.

ராஜா, சிவகங்கை.

விபத்து அபாயம்

சிவகங்கை மாவட்டம் இளையான்குடி மற்றும் அதனை சுற்றியுள்ள பகுதிகளில் தெருநாய்களின் தொல்லை அதிகமாக உள்ளது. இந்த நாய்கள் சாலையில் செல்லும் வாகன ஓட்டிகளை துரத்தி அச்சுறுத்துவதால் விபத்து ஏற்படும் அபாயம் உள்ளது. எனவே இந்த பகுதியில் உள்ள நாய்களின் எண்ணிக்கையை கட்டுப்படுத்த அதிகாரிகள் நடவடிக்கை எடுக்க வேண்டும்.

குமார், இளையான்குடி.

கூடுதல் பஸ்கள் இயக்கப்படுமா?

சிவகங்கை மாவட்டம் காரைக்குடி பகுதியில் இயக்கப்படும் நகர பஸ்கள் போதுமானதாக இல்லை. இதனால் இந்த பகுதியில் உள்ளவர்கள் படிக்கட்டில் தொங்கியபடி பயணிக்க வேண்டிய சூழ்நிலை உள்ளது. எனவே இந்த பகுதியில் கூடுதல் பஸ்கள் இயக்கிட அதிகாரிகள் நடவடிக்கை எடுக்க வேண்டும்.

பொதுமக்கள், காரைக்குடி.

சேதமடைந்த சாலை

சிவகங்கை மாவட்டம் இளையான்குடி ஒன்றியம் தாயமங்கலம் சாலை சேதமடைந்து காணப்படுகிறது. இதனால் இந்த சாலை வழியாக செல்வோர் மிகவும் சிரமப்படுகின்றனர். எனவே இந்த சாலையை விரைவாக சீரமைக்க அதிகாரிகள் நடவடிக்கை எடுக்க வேண்டும்.

முருகேசன், இண்டங்குளம்.