அனுமதியின்றி மணல் ஏற்றி வந்த மாட்டுவண்டி பறிமுதல்

வலங்கைமானை அடுத்த ஊத்துக்காடு கிராம பகுதியில் நேற்று வலங்கைமான் போலீசார் ரோந்து பணியில் ஈடுபட்டிருந்தனர். அப்போது வெட்டாறு பகுதியில் இருந்து வந்த மாட்டுவண்டியை மறித்து சோதனை செய்தனர். அதில் அனுமதியின்றி மணல் ஏற்றி வந்தது தெரியவந்தது. பின்னர் மாட்டுவண்டியில் வந்த 2 பேரை பிடித்து விசாரணை நடத்தினர். விசாரணையில் அவர்கள் ஊத்துக்காடு பகுதி வடக்குத்தெருவை சேர்ந்த வேம்பையன் (வயது57), நடுத்தெரு பகுதியை சேர்ந்த ராம்குமார் (24) ஆகியோர் என்பதும் தெரியவந்தது. இதுகுறித்து வலங்கைமான் போலீசார் வழக்குப்பதிவு செய்து 2 பேரையும் கைது செய்து அவர்களிடம் இருந்து மாட்டுவண்டியை பறிமுதல் செய்தனர்.