பக்தவச்சலம் உருவப்படத்துக்கு காங்கிரசார் மரியாதை

மறைந்த முன்னாள் தமிழக முதல்-அமைச்சர் பக்தவச்சலம் பிறந்த நாள் நேற்று கொண்டாடப்பட்டது. இதையொட்டி நெல்லை வண்ணார்பேட்டை காங்கிரஸ் கட்சி அலுவலகத்தில் அலங்கரித்து வைக்கப்பட்டு இருந்த அவரது உருவப்படத்திற்கு முன்னாள் மத்திய மந்திரி ஆர்.தனுஷ்கோடி ஆதித்தன் மாலை அணிவித்து மரியாைத செலுத்தினார். மேலும் பெண்களுக்கு இலவச சேலைகளும் வழங்கப்பட்டது. நிகழ்ச்சியில் மாநகர் மாவட்ட தலைவர் சங்கரபாண்டியன், மாநகர் மாவட்ட செயற்குழு உறுப்பினர் பைபாஸ் சண்முகவேலன், மாநில பொதுக்குழு உறுப்பினர்கள் உதயகுமார், சொக்கலிங்ககுமார், கவி பாண்டியன் உள்பட பலர் கலந்து கொண்டனர்.