ரூ.1¾ கோடிக்கு பருத்தி ஏலம்

மூலனூர் ஒழுங்குமுறை விற்பனைக்கூடத்தில் நேற்று பருத்தி விற்பனை மறைமுக ஏலம் நடைபெற்றது. இதில் திருப்பூர், கரூர், திருச்சி, திண்டுக்கல், ஈரோடு, கோவை மாவட்டங்களை சேர்ந்த விவசாயிகள் 708 பேர் பருத்தி மூட்டைகளை கொண்டு வந்திருந்தனர். பருத்தியினை கொள்முதல் செய்ய திருப்பூர், திண்டுக்கல், ஈரோடு, சேலம், கோவை மாவட்டங்களை சேர்ந்த வணிகர்களும், மறைமுக ஏலத்தில் பங்கேற்றனர். வணிகர்களால் அதிகபட்ச விலையாக குவிண்டால் ஒன்றுக்கு ரூ.11 ஆயிரத்து 890-க்கும் குறைந்தபட்சம் ரூ.8 ஆயிரத்து 690-க்கும், சராசரி விலையாக ரூ.10ஆயிரத்து 650-க்கும் விற்பனையானது. பருத்தியின் மொத்த அளவு 5 ஆயிரத்து 252 மூட்டைகள், குவிண்டால் 1717.99 இதன் மொத்த மதிப்பு ரூ.1 கோடியே 76 லட்சத்து 68 ஆயிரத்து 436 ஆகும். 21 வியாபாரிகள் மறைமுக ஏலத்தில் பங்கேற்றனர்.

இ்ந்த தகவலை முதுநிலை செயலாளர் திருப்பூர் விற்பனைக்குழு ஆர்.பாலசந்திரன் தெரிவித்தார். ஏலத்திற்கான ஏற்பாடுகளை கண்காணிப்பாளர் சிவக்குமார் செய்திருந்தார்.