அரூரில் ரூ.40 லட்சத்துக்கு பருத்தி ஏலம்

அரூர்:

அரூர் கச்சேரிமேட்டில் உள்ள ஒழுங்கு முறை விற்பனை கூடத்தில் நேற்று பருத்தி ஏலம் நடந்தது. இதில் அரூர், மொரப்பூர், கம்பைநல்லூர், தீர்த்தமலை, கோட்டப்பட்டி உள்பட பல்வேறு பகுதிகளை சேர்ந்த விவசாயிகள் 1,200 மூட்டை பருத்தியை விற்பனைக்கு கொண்டு வந்தனர். ஆர்.சி.எச். ரக பருத்தி ஒரு குவிண்டால் ரூ.7 ஆயிரத்து 499 முதல் ரூ.8 ஆயிரத்து 340 வரை ஏலம் போனது. மொத்தம் ரூ.40 லட்சத்துக்கு பருத்தி ஏலம் நடந்தது.