அரூரில் ரூ.13 லட்சத்துக்கு பருத்தி ஏலம்

அரூர்:

அரூர் கூட்டுறவு வேளாண்மை உற்பத்தியாளர்கள் சங்கத்தில் நேற்று பருத்தி ஏலம் நடந்தது. அரூர், கம்பைநல்லூர், கோட்டப்பட்டி உள்பட பல்வேறு பகுதிகளை சேர்ந்த விவசாயிகள் 600 மூட்டை பருத்தியை விற்பனைக்காக கொண்டு வந்தனர். இதில் ஆர்.சி.எச். ரக பருத்தி ஒரு குவிண்டால் ரூ.7 ஆயிரத்து 250 முதல் ரூ.7 ஆயிரத்து 650 வரை ஏலம் போனது. மொத்தம் ரூ.13 லட்சத்துக்கு பருத்தி ஏலம் நடந்தது. இதுகுறித்து சங்க செயலாளர் அறிவழகன் கூறுகையில், இனி ஒவ்வொரு வாரமும் திங்கட்கிழமைகளில் அரூரிலும், புதன்கிழமைகளில் பொம்மிடி பஸ் நிலையம் அருகிலும் பருத்தி ஏலம் நடைபெறும் என்றார்.