கொங்கணாபுரம் கூட்டுறவு சங்கத்தில் ரூ.3 கோடிக்கு பருத்தி ஏலம்

எடப்பாடி:

எடப்பாடியை அடுத்த கொங்கணாபுரத்தில் செயல்பட்டு வரும் கூட்டுறவு வேளாண்மை விற்பனை சங்கத்தில் நேற்று பருத்தி ஏலம் நடந்தது. ஏலத்துக்கு 11 ஆயிரம் மூட்டை பருத்தியை விவசாயிகள் கொண்டு வந்தனர். அவை 2 ஆயிரத்து 200 லாட்டுகளாக பிரிக்கப்பட்டு கூட்டுறவு அலுவலர்கள் முன்னிலையில் ஏலம் விடப்பட்டது. பி.டி. ரக பருத்தி ஒரு குவிண்டால் ரூ.7 ஆயிரத்து 499 முதல் ரூ.8 ஆயிரத்து 677 வரையும், டி.சி.எச். பருத்தி ஒரு குவிண்டால் ரூ.7 ஆயிரத்து 760 முதல் ரூ.8 ஆயிரத்து 699 வரையும், கொட்டு ரக பருத்தி ஒரு குவிண்டால் ரூ.4 ஆயிரத்து 700 முதல் ரூ.6 ஆயிரத்து 869 வரை விலை போனது. மொத்தம் ரூ.3 கோடிக்கு பருத்தி விற்பனையானது.