விபத்தில் தம்பதி காயம்

சாத்தூர்,

ஏழாயிரம்பண்ணையை சேர்ந்தவர் ஹேமா (வயது 33), இவரது கணவர் ஸ்டீபன்சார்லஸ் (43). இவர்கள் இருவரும் இரு சக்கர வாகனத்தில் விருதுநகருக்கு சென்று கொண்டிருந்தனர். அப்போது சாத்தூர் அருகே போக்குவரத்து நகர் காட்டுப்பள்ளி வாசல் அருகில் சென்று கொண்டிருந்த போது அந்த வழியாக வந்த சரக்கு வாகனம், இருசக்கர வாகனம் மீது மோதியது. இதில் ஹேமா, ஸ்டீபன்சார்லஸ் ஆகிய 2 பேரும் படுகாயம் அடைந்தனர். உடனே அவர்களை அருகில் இருந்தவர்கள் மீட்டு சிகிச்சைக்காக சாத்தூர் அரசு ஆஸ்பத்திரிக்கு அனுப்பி வைத்தனர். அங்கு முதலுதவி சிகிச்சை அளிக்கப்பட்டு மேல் சிகிச்சைக்காக மதுரை அரசு ஆஸ்பத்திரிக்கு அனுப்பி வைக்கப்பட்டனர். இந்த விபத்து குறித்து ஹேமா கொடுத்த புகாரின் பேரில் சாத்தூர் தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.