சிறுவர்களுக்கான கிரிக்கெட் போட்டி

திருச்சியில் 16 வயதுக்குட்பட்ட சிறுவர்களுக்கான மாநில அளவிலான கிரிக்கெட் விளையாட்டு போட்டி பிஷப்ஹீபர் கல்லூரி மைதானத்தில் நேற்று தொடங்கியது. டி-20 எனப்படும் 20 ஓவர் போட்டிகளாக நடத்தப்படும் இந்த கிரிக்கெட் போட்டி தொடர்ந்து 5 நாட்கள் நாக்அவுட்முறையில் நடக்கிறது. இந்த போட்டியில் சென்னை, திருச்சி உள்ளிட்ட பல்வேறு மாவட்டங்களை சேர்ந்த அணிகள் பங்கேற்றன. முதல்நாளான நேற்று கிரிக்கெட் போட்டியை சி.எஸ்.ஐ. திருச்சி-தஞ்சை மறை மாவட்ட பேராயர் சந்திரசேகரன் தொடங்கி வைத்தார். நிகழ்ச்சியில் இந்திய கிரிக்கெட் வீரர் வாஷிங்டன் சுந்தரின் தந்தையும், முன்னாள் கிரிக்கெட் வீரருமான சுந்தர், பிரின்ஸ் உள்பட பலர் கலந்து கொண்டனர்.