கலாசார திருவிழா

சேரன்மாதேவி:

சேரன்மாதேவி ஸ்காட் பொறியியல் மற்றும் தொழில்நுட்பக் கல்லூரியில் 'கெட் ஸ்மார்ட்-2023' என்ற தலைப்பில் கலாசார திருவிழா நடைபெற்றது. கல்லூரி வணிக மேலாண்மை துறை சார்பில் நடைபெற்ற விழாவில் நெல்லை, தென்காசி, கன்னியாகுமரி, தூத்துக்குடி மாவட்டங்களில் உள்ள பல்வேறு கல்லூரி இளங்கலை பிரிவு மாணவ-மாணவிகள் 1000-க்கும் மேற்பட்டோர் கலந்து கொண்டனர். அவர்கள் பல்வேறு போட்டிகளில் பங்கேற்று தங்களது திறமைகளை வெளிப்படுத்தினர்.

இதில் ஒட்டுமொத்த சாம்பியன் பட்டத்தை பாளையங்கோட்டை சேவியர் கல்லூரி 2-வது முறையாக தட்டிச் சென்றது. வெற்றிபெற்ற மாணவர்களுக்கு ஸ்காட் கல்வி வளாக பொதுமேலாளர் தம்பித்துரை பரிசுகளை வழங்கி வாழ்த்தி பேசினார். நிகழ்ச்சியினை சண்முகசுந்தரம் ஒருங்கிணைத்தார். ஏற்பாடுகளை துறைத்தலைவர் ராஜலட்சுமி, நிர்வாக அலுவலர் ஜெயபாண்டி மற்றும் பேராசிரியர்கள், மாணவர்கள் செய்து இருந்தனர்.