தினத்தந்தி புகார் பெட்டி

குண்டும், குழியுமான சாலை

அரியலூர் மாவட்டம், உடையார்பாளையம் வட்டம் கீழசிந்தாமணி பாலம் பஸ் நிறுத்தம் முதல் கீழக்காடு வரை உள்ள சாலை அமைக்கப்பட்டு பல ஆண்டுகள் ஆனதால் தற்போது சிதிலமடைந்து குண்டும், குழியுமாக காணப்படுகிறது. இதனால் வாகன ஓட்டிகள் பெரிதும் அவதிப்பட்டு வருகின்றனர். மேலும் குடிநீர் குழாய்க்காக ஆங்காங்கே சாலையில் பொக்லைன் எந்திரம் மூலம் பள்ளம் தோண்டப்பட்டுள்ளதால் மோட்டார் சைக்கிளில் செல்பவர்கள் நிலைதடுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

ரஜினிராஜா, கீழ சிந்தாமணி, அரியலூர்.