தினத்தந்தி புகார் பெட்டி

தார்சாலை அமைக்க கோரிக்கை

புதுக்கோட்டை மாவட்டம் காரையூர் அருகே உள்ள சூரப்பட்டியில் இருந்து அம்மாபட்டி செல்லும் சாலை மண் சாலையாக உள்ளது. இந்த சாலையின் வழியாக நடந்து செல்லும் பொதுமக்கள் மிகவும் சிரமம் அடைந்து வருகின்றனர். எனவே சம்பந்தப்பட்ட துறை அதிகாரிகள் இப்பகுதியில் தார்சாலை அமைத்து தர நடவடிக்கை எடுக்க வேண்டும்.

மீனா, காரையூர், புதுக்கோட்டை.

நோயாளிகள் அவதி

புதுக்கோட்டை மாவட்டம் மணமேல்குடி அரசுமருத்துவமனையில் 108 ஆம்புலன்ஸ் சேவை கடந்த 3 மாதங்களாக 24 மணி நேரமும் இயங்குவதில்லை. இதனால் விபத்து மற்றும் அவசர நேரங்களில் மீமிசல், ஆ.கோவில் பகுதியை சேர்ந்த 108 ஆம்புலன்ஸ்கள் சென்று வருகிறது. இதனால் நோயாளிகள் மிகவும் சிரமம் அடைந்து வருகிறார்கள். எனவேமணமேல்குடி 108 ஆம்புலன்ஸ் சேவை 24 மணி நேரமும் இயங்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.

பொதுமக்கள், மணமேல்குடி, புதுக்கோட்டை.