கடத்தூர் அருகே விபத்தில் விவசாயி சாவு

மொரப்பூர்:

கடத்தூர் அருகே உள்ள டி.அய்யம்பட்டியை சேர்ந்தவர் சம்பத் (வயது 62). விவசாயி. இவர் நேற்று இரவு கடத்தூரில் விவசாய பொருட்களை வாங்கி கொண்டு வீட்டுக்கு மோட்டார் சைக்கிளில் திரும்பி கொண்டிருந்தார். வழியில் வீரகவுண்டனூர் பகுதியில் எதிரே வந்த மற்றொரு மோட்டார் சைக்கிள், சம்பத் மோட்டார் சைக்கிள் மீது மோதியது. இதில் பலத்த காயம் அடைந்த சம்பத், சம்பவ இடத்திலேயே பலியானார். இந்த விபத்து குறித்து தகவல் அறிந்த கடத்தூர் போலீஸ் இன்ஸ்பெக்டர் நாகலட்சுமி மற்றும் போலீசார் சம்பவம் நடந்த இடத்துக்கு சென்று விசாரணை நடத்தினர். பின்னர் சம்பத் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் விபத்து குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.