தர்மபுரியில் ரெயிலில் அடிபட்டு தொழிலாளி பலி

தர்மபுரி:

தர்மபுரி குமாரசாமிபேட்டை அருகே உள்ள ரெயில்வே தண்டவாளத்தில் நேற்று ஒருவர் உடலில் காயங்களுடன் இறந்து கிடந்தார். இது குறித்து தகவல் அறிந்த தர்மபுரி ரெயில்வே போலீசார் சம்பவ இடத்திற்கு சென்று விசாரணை நடத்தினர். அப்போது அவர் தர்மபுரியை சேர்ந்த கட்டிட தொழிலாளி சிவலிங்கம் (வயது 37) என தெரியவந்தது. ரெயில் தண்டவாளத்தை கடக்க முயன்றபோது அந்த வழியாக சென்ற ரெயிலில் அடிபட்டு அவர் இறந்தது தெரியவந்தது. இதையடுத்து போலீசார் சிவலிங்கம் உடலை கைப்பற்றி பிரேத பரிசோதனைக்காக தர்மபுரி அரசு ஆஸ்பத்திரிக்கு அனுப்பி வைத்தனர். இந்த சம்பவம் குறித்து ரெயில்வே போலீஸ் சப்-இன்ஸ்பெக்டர் ராமசாமி மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.