கந்திகுப்பம் அருகேமின்சாரம் தாக்கி விவசாயி சா

பர்கூர்

கிருஷ்ணகிரி மாவட்டம் கந்திகுப்பம் அருகே உள்ள வரட்டனப்பள்ளி கரேசன் கொட்டாய் பகுதியை சேர்ந்தவர் முருகேசன் (வயது53). விவசாயி. இவர் நேற்று முன்தினம் விவசாய நிலத்திற்கு தண்ணீர் பாய்ச்ச சென்றார். அப்போது மின் மோட்டாரை இயக்கிய போது அவர் மீது மின்சாரம் தாக்கியது. இதில் தூக்கி வீசப்பட்ட முருகேசன் சம்பவ இடத்திலேயே பரிதாபமாக உயிரிழந்தார். இதுகுறித்து அக்கம் பக்கத்தினர் கந்திகுப்பம் போலீஸ் நிலையத்திற்கு தகவல் தெரிவித்தனர். அதன் பேரில் போலீசார் சம்பவ இடத்திற்கு விரைந்து சென்று முருகேசன் உடலை மீட்டு பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். தோட்டத்திற்கு தண்ணீர் பாய்ச்ச மின் மோட்டாரை இயக்கிய போது மின்சாரம் தாக்கி விவசாயி இறந்த சம்பவம் அந்த பகுதியில் சோகத்தை ஏற்படுத்தியது.