தேன்கனிக்கோட்டை அருகே வாகனம் மோதி தொழிலாளி சாவு

தேன்கனிக்கோட்டை:

தேன்கனிக்கோட்டை அருகே உள்ள கவுதாளத்தை சேர்ந்தவர் செல்வராஜ் (வயது 50). கூலித்தொழிலாளி. இவர் தேன்கனிக்கோட்டை அரசு மேல்நிலைப்பள்ளி அருகில் நடந்து சென்றார். அப்போது அந்த வழியாக வந்த ஒரு வாகனம் அவர் மீது மோதி விட்டு நிற்காமல் சென்று விட்டது. இதில் பலத்த காயம் அடைந்த செல்வராஜை அருகில் இருந்தவர்கள் மீட்டு சிகிச்சைக்காக தேன்கனிக்கோட்டை அரசு ஆஸ்பத்திரிக்கு கொண்டு சென்றனர். ஆனால் வழியிலேயே அவர் பரிதபமாக உயிரிழந்தார். இந்த விபத்து குறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகிறார்கள்.