கார் மோதி பெண் சாவு

ஊத்தங்கரை:

ஊத்தங்கரை அருகே உள்ள மிட்டப்பள்ளி எம்.ஜி.ஆர். நகரை சேர்ந்தவர் அய்யப்பன். இவரது மனைவி லட்சுமி (வயது 40). கூலித்தொழிலாளி. இவர் நேற்று முன்தினம் மிட்டப்பள்ளி அருகில் நடந்து சென்று கொண்டிருந்தார். அப்போது அந்த வழியாக வந்த கார் அவர் மீது மோதியது. இதில் பலத்த காயம் அடைந்த லட்சுமியை அருகில் இருந்தவர்கள் மீட்டு சிகிச்சைக்காக ஊத்தங்கரை அரசு ஆஸ்பத்திரிக்கு அனுப்பி வைத்தனர். ஆனால் வழியிலேயே லட்சுமி இறந்தார். இந்த விபத்து குறித்து சிங்காரப்பேட்டை போலீசார் விசாரணை நடத்தி வருகிறார்கள்.