கிணற்றில் தவறி விழுந்து பெண் சாவு

பாப்பிரெட்டிப்பட்டி:

தர்மபுரி மாவட்டம் பொம்மிடி அருேக உள்ள கும்பாரஅள்ளியை சேர்ந்தவர் ஆதிமூலம். இவரது மகள் மூக்கம்மாள் (வயது 20). இவர் நேற்று அப்பகுதியில் உள்ள தனியார் சேகோ பேக்டரிக்கு வேலைக்கு சென்றார். அப்போது அப்பகுதியில் உள்ள கிணற்றின் அருகில் அமர்ந்து இருந்தபோது அவருக்கு வலிப்பு ஏற்பட்டது. இதில் மூக்கம்மாள் தவறி கிணற்றில் விழுந்து இறந்தார். இதுகுறித்து தகவல் அறிந்து வந்த தீயணைப்பு படையினர் உடலை கைப்பற்றி பிரேத பரிசோதனைக்காக பாப்பிரெட்டிப்பட்டி அரசு ஆஸ்பத்திரிக்கு அனுப்பி வைத்தனர். இதுகுறித்து புகாரின் பேரில் பொம்மிடி போலீசார் வழக்குப்பதிவு செய்து விசாரணை நடத்தி வருகின்றனர்.