பஸ் மோதிய விபத்தில் படுகாயம் அடைந்த மனைவியும் சாவு

பாப்பாரப்பட்டி:

இண்டூர் அருகே உள்ள பாரக்கொட்டாய் பகுதியை சேர்ந்தவர் மார்க்கண்டன் (வயது 37). கூலித்தொழிலாளி. இவர் தனது மனைவி ஜோதி (32), உறவுக்கார சிறுமி சத்யா (9) ஆகியோருடன் கடந்த 24-ந் தேதி மோட்டார் சைக்கிளில் தர்மபுரி நோக்கி சென்றார். அப்போது எதிரே வந்த தனியார் பஸ் மோட்டார் சைக்கிள் மீது மோதியது. இதில் மார்கண்டன் சம்பவ இடத்திலேயே இறந்தார். ஜோதி, சிறுமி சத்யா ஆகியோர் படுகாயம் அடைந்தனர். அக்கம் பக்கத்தினர் 2 பேரையும் மீட்டு தர்மபுரி அரசு ஆஸ்பத்திரியில் சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வந்தது. இதில் சிகிச்சை பலனின்றி ஜோதி நேற்று முன்தினம் இறந்தார். சிறுமிக்கு தொடர்ந்து சிகிச்சை அளிக்கப்பட்டு வருகிறது. இந்த விபத்து குறித்து இண்டூர் போலீசார் வழக்குப்பதிவு செய்து விசாரணை நடத்தி வருகின்றனர்.