மயங்கி விழுந்து மூதாட்டி பலி

கமுதி,

கமுதி அருகே கே.நெடுங்குளம் கிராமத்தை சேர்ந்த வழிவிட்டான் என்பவரின் மனைவி குருவம்மாள் (வயது70). இவர் கமுதி - கோட்டைமேட்டில் உள்ள தனது தங்கை வழிவிட்டாள் என்பவரின் வீட்டிற்கு வந்துள்ளார். பின்னர் மூதாட்டி குருவம்மாள் வட்டாட்சியர் அலுவலகத்திற்கு முதியோர் உதவித் தொகை பெறுவதற்கு நடந்து சென்றுள்ளார். அப்போது கோட்டைமுனீஸ்வரர் கோவில் அருகே வந்த போது திடீரென மயங்கி கீழே விழுந்துள்ளார். அதில் படுகாயம் அடைந்த மூதாட்டி அரசு மருத்துவ மனைக்கு கொண்டு செல்லப்பட்டார். அங்கு அவரை பரிசோதித்த டாக்டர்கள் ஏற்கனவே மூதாட்டி இறந்து விட்டதாக கூறினர். இதுகுறித்து கமுதி போலீசார் வழக்குப்பதிவு செய்து விசாரணை மேற்கொண்டு வருகின்றனர்.