மோட்டார்சைக்கிள்கள் மோதல்; வாலிபர் சாவு

குருபரப்பள்ளி:

கிருஷ்ணகிரி தாலுகா நாரலப்பள்ளியை சேர்ந்தவர் பிரகாஷ்குமார் (வயது 28). இவர் மோட்டார்சைக்கிளில் குருபரப்பள்ளி-குப்பச்சிபாறை சாலையில் குஞ்சப்பள்ளி பக்கமாக சென்று கொண்டு இருந்தார். இவருடன் வேப்பனப்பள்ளியை சேர்ந்த பயாஸ் (49) என்பவரும் சென்றார். அப்போது அந்த வழியாக வந்த மோட்டார்சைக்கிள், பிரகாஷ்குமார் ஓட்டி சென்ற மோட்டார்சைக்கிள் மீது மோதியது. இதில் பலத்த காயமடைந்த பிரகாஷ்குமார் சம்பவ இடத்திலேயே பலியானார். பயாஸ் மற்றும் மற்றொரு மோட்டார் சைக்கிளில் வந்த நபர் ஆகிய 2 பேரும் படுகாயம் அடைந்தனர். இதையடுத்து அக்கம் பக்கத்தினர் அவர்கள் 2 பேரையும் மீட்டு கிருஷ்ணகிரி அரசு மருத்துவமனைக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. பின்னர் போலீசார், இறந்த பிரகாஷ்குமாரின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து குருபரப்பள்ளி போலீசார் வழக்குப்பதிவு செய்து விசாரணை நடத்தி வருகின்றனர்.