விபத்தில் கட்டிட தொழிலாளி சாவு

பர்கூர்:

திருப்பத்தூர் மாவட்டம் பெரியகாரம் அன்னை சத்யா நகர் பகுதியை சேர்ந்தவர் கமலேசன் (வயது 40). நைனாம்பட்டியை சேர்ந்தவர் சசிகுமார் (38). கட்டிட தொழிலாளிகள். நண்பர்களான இவர்கள் 2 பேரும் மோட்டார் சைக்கிளில் கிருஷ்ணகிரி வழியாக திருப்பத்தூர் சென்று கொண்டு இருந்தனர். கந்திகுப்பம் அருகே சென்றபோது பின்னால் வந்த வாகனம் மோட்டார் சைக்கிள் மீது மோதியது. இந்த விபத்தில் கமலேஷ் சம்பவ இடத்திலேயே பரிதாபமாக இறந்தார். சசிக்குமார் படுகாயம் அடைந்தார். அக்கம் பக்கத்தினர் அவரை மீட்டு கிருஷ்ணகிரி அரசு மருத்துமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து கந்திகுப்பம் போலீசார் வழக்குப்பதிவு செய்து விசாரணை நடத்தி வருகின்றனர்.