வெவ்வேறு விபத்துகளில் விவசாயி உள்பட 2 பேர் சாவு

சூளகிரி

சூளகிரி அருகேயுள்ள அலகுபாவி கிராமத்தை சேர்ந்தவர் பீரப்பா (வயது57). விவசாயியான இவர் சம்பவத்தன்று அந்த பகுதியில் சாலையில் நடந்து சென்றார். அப்போது அந்த வழியாக வந்த வாகனம் மோதியதில் பீரப்பா சம்பவ இடத்திலேயே உயிரிழந்தார்.

இதேபோன்று ஊத்தங்கரை அருகே உள்ள கருவானூர் கிராமத்தை சேர்ந்தவர் மனோகரன். இவரது மகன் தவமணி (27). பேக்கரி மாஸ்டர். சம்பவத்தன்று இவர் மோட்டார் சைக்கிளில் சூளகிரி அருகே சின்னார் பகுதியில் சென்றபோது சாலையின் நடுவில் உள்ள சென்டர் மீடியனில் மோட்டார் சைக்கிள் மோதியது. மேலும் அந்த வழியாக வந்த கார் மோட்டார் சைக்கிள் மீது மோதியது. இந்த விபத்தில் கீழே விழுந்த தவமணி சம்பவ இடத்திலேயே பரிதாபமாக உயிரிழந்தார். இந்த விபத்துகள் குறித்து சூளகிரி போலீசார் வழக்குப்பதிவு செய்து விசாரணை நடத்தி வருகின்றனர்.