மொபட் மீது கன்டெய்னர் லாரி மோதி தொழிலாளி சாவு

பர்கூர், பிப்.26-

பர்கூர் அருகே ெமாபட் மீது கன்டெய்னர் லாரி மோதி தொழிலாளி பரிதாபமாக இறந்தார். அவரது நண்பர் படுகாயம் அடைந்தார்.

லாரி மோதியது

பர்கூர் அருகே உள்ள பி.ஆர்.ஜி.மாதேப்பள்ளி இந்திரா நகரை சேர்ந்தவர் பழனி (வயது54). அதே பகுதியை சேர்ந்தவர் கோபால் (63). கூலித்தொழிலாளிகள். நண்பர்களான இவர்கள் 2 பேரும் மொபட்டில் திருப்பத்தூர் மாவட்டம் வெலகல்நத்தம் சென்று விட்டு மீண்டும் ஊருக்கு திரும்பி கொண்டு இருந்தனர்.

பர்கூர் அருகே ஒப்பதவாடி கூட்ரோடு பகுதியில் வந்தபோது பின்னால் வந்த கன்டெய்னர் லாரி மொபட் மீது மோதியது. இந்த விபத்தில் பழனி சம்பவ இடத்திலேயே பரிதாபமாக இறந்தார். கோபால் படுகாயம் அடைந்தார். இதையடுத்து அக்கம் பக்கத்தினர் அவரை மீட்டு கிருஷ்ணகிரி அரசு ஆஸ்பத்திரிக்கு அனுப்பி வைத்தனர்.

போலீசார் விசாரணை

அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து தகவல் அறிந்ததும் பர்கூர் போலீசார் விரைந்து சென்று இறந்த பழனியின் உடலை மீட்டு பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். விபத்து குறித்த போலீசார் வழக்குப்பதிவு செய்து விசாரணை நடத்தி வருகின்றனர்.