விபத்தில் விவசாயி சாவு

சூளகிரி

பர்கூர் துரைஸ் நகரை சேர்ந்தவர் கார்த்திகேயன் (வயது 44). விவசாயி. இவர் மோட்டார்சைக்கிளில் மேலுமலை பஸ் நிறுத்தம் அருகில் சென்று கொண்டிருந்தார். அப்போது அந்த வழியாக சென்ற அடையாளம் தெரியாத வாகனம் மோட்டார் சைக்கிள் மீது மோதியது. இதில் பலத்த காயமடைந்த கார்த்திகேயனை அருகில் இருந்தவர்கள் மீட்டு கிருஷ்ணகிரி அரசு மருத்துவமனையில் சேர்த்தனர். பின்னர் மேல் சிகிச்சைக்காக தர்மபுரி அரசு ஆஸ்பத்திரியில் அவர் சேர்க்கப்பட்டார். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து சூளகிரி போலீசார் விசாரணை நடத்தி வருகிறார்கள்.