ஊத்தங்கரையில் ஸ்கூட்டர் கவிழ்ந்து வக்கீல் பலி

ஊத்தங்கரை:

ஊத்தங்கரையில் ஸ்கூட்டர் கவிழ்ந்து விபத்துக்குள்ளானதில் வக்கீல் பலியானார்.

வக்கீல்

ஊத்தங்கரை அம்பேத்கர் நகரை சேர்ந்தவர் முருகன் என்ற சோலை முருகன் (வயது 47). வக்கீல். இவர் நேற்று முன்தினம் ஸ்கூட்டரில் திருவண்ணாமலை- ஊத்தங்கரை தேசிய நெடுஞ்சாலையில் சென்று கொண்டிருந்தார். அப்போது எதிர்பாராதவிதமாக ஸ்கூட்டர் கவிழ்ந்து விபத்துக்குள்ளானது. இதில் படுகாயம் அடைந்த வக்கீல் சோலை முருகனை அந்த வழியாக வந்தவர்கள் மீட்டு சிகிச்சைக்காக ஊத்தங்கரை அரசு ஆஸ்பத்திரியில் சேர்த்தனர்.

விசாரணை

பின்னர் அவர் மேல் சிகிச்சைக்காக தர்மபுரி அரசு ஆஸ்பத்திரியில் சேர்க்கப்பட்டார். அங்கு தீவிர சிகிச்சை அளித்தும் பலனின்றி நேற்று அவர் இறந்தார். இதுகுறித்து ஊத்தங்கரை போலீசார் வழக்குப்பதிவு செய்து விசாரணை நடத்தி வருகின்றனர்.