பள்ளத்தில் தவறி விழுந்த தொழிலாளி சாவு

கருங்கல்,

கருங்கல் அருகே உள்ள திப்பிரமலை இடமலைக்கோணம் பகுதியை சேர்ந்தவர் பழனியப்பன், தொழிலாளி. இவர் சம்பவத்தன்று மாலையில் வீட்டுக்கு வந்து கொண்டிருந்தார். அப்போது பாதையோரம் இருந்த பள்ளத்தில் தடுமாறி விழுந்தார். இதில் படுகாயம் அடைந்த அவரை பொதுமக்கள் மீட்டு ஆசாரிபள்ளம் அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி நேற்று முன்தினம் பழனியப்பன் பரிதாபமாக இறந்தார். இதுகுறித்த புகாரின் பேரில் கருங்கல் போலீசார் வழக்குப்பதிவு செய்து விசாரணை நடத்தி வருகின்றனர்.