மோட்டார் சைக்கிளில் இருந்து தவறி விழுந்த முதியவர் சாவு

திட்டச்சேரி:

திருமருகல் ஒன்றியம் திருப்புகலூர் ஊராட்சி வவ்வாலடியை சேர்ந்தவர் ஹபீப் முகமது (வயது 65). இவர் நேற்றுமுன்தினம் சன்னாநல்லூர் சென்று விட்டு வீட்டிற்கு வந்துகொண்டிருந்தார். அப்போது கேதாரிமங்கலம் காளியம்மன் கோவில் அருகே வந்த போது மோட்டார்ைசக்கிளில் இருந்து தவறி கீழே விழுந்தார். இதில் படுகாயமடைந்த அவரை அக்கம்பக்கத்தினர் மீட்டு நன்னிலம் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள் அவர் ஏற்கனவே இறந்துவிட்டதாக தெரிவித்தனர்.

தகவல் அறிந்த திருக்கண்ணபுரம் போலீசார் சம்பவ இடத்திற்கு வந்து ஹபீப் முகமது உடலை கைப்பற்றி திருவாரூர் மருத்துவக்கல்லூரி ஆஸ்பத்திரிக்கு பிரேத பரிசோதனைக்காக அனுப்பிவைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.