புள்ளிமானை கொன்றவர் கைது

திருப்பத்தூர் கோட்ட மாவட்ட வன அலுவலர் நாகசதீஷ் கிடிஜாலாக்கு கிடைத்த ரகசிய தகவலின் பேரில், திருப்பத்தூர் வனச்சரக அலுவலர் எம்.பிரபு அறிவுறுத்தலின்பேரில் இன்று ஆண்டியப்பனூர் பிரிவு வனப்பணியாளர்கள் குழுவினர் காட்டில் தணிக்கையில் ஈடுபட்டனர்.

அப்போது சின்னவட்டானூர் கிராமத்தை சேர்ந்த ரகு (வயது 39), கல்லாவூர் கிராமத்தைச் சேர்ந்த கோவிந்தராஜ் (30) ஆகியோர் ஆண்டியப்பனூர் காப்புக்காடு, சேர்க்கானூர் அடுத்த பட்டிமதகு வழியில் இரும்பு கன்னிவலை கட்டி புள்ளிமானை கொன்று கறியாக எடுத்து சென்றனர்.

அப்போது அங்கு சென்ற வனத்துறையினரிடம் ரகு மட்டும் பிடிபட்டார்.

அவரை வனத்துறையினர் கைது செய்து விசாரணை நடத்தி வருகின்றனர்.

மேலும் தப்பியோடிய கோவிந்தராஜை வனத்துறையினர் தேடி வருகின்றனர்.