கல்வராயன் மலையில் 1,800 லிட்டர் சாராய ஊறல் அழிப்பு

பெத்தநாயக்கன்பாளையம்:

தலைவாசல் அருகே கல்வராயன் மலை கரியகோவில் சேம்பூர் வனப்பகுதியில் சாராயம் காய்ச்சப்படுவதாக போலீசாருக்கு ரகசிய தகவல் கிடைத்தது. அதன்பேரில் ஆத்தூர் மதுவிலக்கு போலீஸ் சப்-இன்ஸ்பெக்டர் சக்திவேல் தலைமையிலான போலீசார் அந்த பகுதியில் தீவிர சோதனையில் ஈடுபட்டனர். அப்போது 9 பேரல்களில் 1,800 லிட்டர் சாராய ஊறல் இருப்பது கண்டுபிடிக்கப்பட்டது. அதனை தரையில் கொட்டி போலீசார் அழித்தனர். மேலும் சாராயம் காய்ச்ச ஊறல் வைத்த நபரை போலீசார் தேடி வருகின்றனர்.