பீமனிடம் ஆசி பெற்ற பக்தர்கள்

சோழவந்தான்,

சோழவந்தானில் திரவுபதி அம்மன் கோவில் பூக்குழி திருவிழா நடைபெற்று வருகிறது. 6-ம் நாள் திருவிழாவான பீமன் கீசகனை வதம் செய்யும் நிகழ்வு நடைபெற்றது. இதையொட்டி பீமன் மகாபாரதத்தில் வருவது போல் வேடம் புரிந்து காவடியை பிடித்துக்கொண்டு கதையுடன் கீசகனை தெருத்தெருவாக விரட்டி பிடிக்கும் காட்சி பக்தர்களிடையே மெய்சிலிர்க்க வைத்தது. பீமன் செல்லக்கூடிய இடமெல்லாம் பக்தர்கள் பிடித்த சர்க்கரையால் அரிசியை பிசைந்து கொடுத்து பீமனிடம் ஆசி பெற்றனர்.இன்று இரவு அர்ஜுனன்தபசு, நாளை இரவு அம்மன் சிங்கவாகனத்தில் எழுந்தருளி காளிவேடம் புரிந்து 4 ரதவீதியில் பவனி வருதல், இரவு அரவான் பலி கொடுத்து கருப்புசாமி வேடம் புரிந்து காவல் கொடுக்கும் நிகழ்ச்சி, நாளை மறுநாள் துரியோதனன் படுகளம் திரவுபதி வேடம் சபதம் முடித்தல், கூந்தல் முடிப்பு நிகழ்ச்சி நடைபெறும்.