மாணவர்களுக்கு டிக்‌ஷனரி, நோட்டு புத்தகங்கள்

ஜோலார்பேட்டையை அடுத்த புள்ளானேரி ஊராட்சி ஒன்றிய நடுநிலைப்பள்ளியில் மாணவர்களுக்கு டிக்‌ஷனரி, நோட்டுப் புத்தகங்கள் வழங்கும் விழா நடைபெற்றது. வார்டு உறுப்பினர் இளையராஜா தலைமை தாங்கினார். தலைமை ஆசிரியர் செந்தில்குமார் முன்னிலை வகித்தார். உதவி தலைமை ஆசிரியை பிரபாவதி வரவேற்றார்.

5-ம் வகுப்பு முதல் 7-ம் வகுப்பு வரை உள்ள மாணவர்களுக்கு டிக்‌ஷனரி, 6-ம் வகுப்பு முதல் 8-ம் வகுப்பு வரை உள்ள மாணவர்களுக்கு ரெக்கார்ட் நோட்டுகளும், ஒன்று முதல் 3-ம் வகுப்பு வரை உள்ள மாணவர்களுக்கு நோட்டுப் புத்தகங்களும் ஊராட்சி வார்டு உறுப்பினர்கள் இளையராஜா, பொம்மி சுகுமாரன் ஆகியோர் வழங்கி பேசினர்.