தினத்தந்தி புகார் பெட்டி

தேங்கி நிற்கும் கழிவுநீர்

அரியலூர் மாவட்டம், உடையார்பாளையம் 8-வது வார்டு எல்லைகல் தெருவில் ஏராளமான பொதுமக்கள் வசித்து வருகின்றனர். இப்பகுதியில் உள்ள வீடுகளில் இருந்து வெளியேறும் கழிவுநீர் செல்லும் வகையில், இப்பகுதியில் முறையான கழிவுநீர் வாய்க்கால் அமைக்காததால் கழிவுநீர் செல்ல வழியின்றி தேங்கி நிற்கிறது. இதனால் இப்பகுதியில் அதிக அளவில் கொசுக்கள் உற்பத்தியாகி டெங்கு, மலேரியா உள்ளிட்ட காய்ச்சல் பரவ அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

தேவக்குமார், உடையார்பாளையம், அரியலூர்.