தினத்தந்தி புகார் பெட்டி: மக்கள் குறைகள் தொடர்பான பதிவுகள்

கூடுதல் பஸ் இயக்கப்படுமா?

விருதுநகர் மாவட்டம் அருப்புக்கோட்டை பஸ் நிலையத்தில் இருந்து கிராமப்புற பகுதிகளுக்கு இயக்கப்படும் டவுன் பஸ்களின் எண்ணிக்கை குறிப்பிட்ட அளவு உள்ளது. இதனால் இங்கிருந்து கிராமப்புறங்களுக்கு செல்லும் பொதுமக்கள் காத்திருந்து பயணிக்கும் நிலை உள்ளது. எனவே இந்த பகுதியில் கூடுதல் பஸ்கள் இயக்க நடவடிக்கை எடுக்க வேண்டும்.

சிவா, அருப்புக்கோட்ைட.

குடிநீர் பற்றாக்குறை

விருதுநகர் மாவட்டத்தில் ஒரு சில இடங்களில் தண்ணீர் பற்றாக்குறை உள்ளது. சில கிராமங்களில் வாரத்திற்கு ஒரு முறை குடிநீர் வினியோகம் செய்யப்படுகிறது. எனவே சீரான இடைவெளியில் குடிநீர் வினியோகம் செய்ய நடவடிக்கை எடுக்க வேண்டும்.

பொதுமக்கள், விருதுநகர்.

சேதமடைந்த சாலை

விருதுநகர் மாவட்டம் சிவகாசியில் இருந்து கிராமப்பகுதிகளுக்கு செல்லும் ஒரு சில சாலைகள் சேதமடைந்து காணப்படுகிறது. இதனால் இந்த சாலையை பயன்படுத்துவோர் சிரமப்படுகின்றனர். எனவே இந்த சாலைகளை சீரமைக்க அதிகாரிகள் நடவடிக்கை எடுக்க வேண்டும்.

சந்தோஷ், சிவகாசி.

தெருநாய்கள் தொல்லை

விருதுநகர், சாத்தூர் மற்றும் அதனை சுற்றியுள்ள பகுதியில் தெருநாய்களின் தொல்லை நாளுக்கு நாள் அதிகரித்து வருகிறது. இந்த நாய்கள் சாலையில் செல்பவர்களை துரத்துவதால் பள்ளிக்கு செல்லும் குழந்தைகள், வாகன ஓட்டிகள் விபத்தில் சிக்கும் அபாயம் நிலவுகிறது. எனவே இந்த பகுதியில் சுற்றித்திரியும் தெருநாய்களை பிடித்து அப்புறப்படுத்த அதிகாரிகள் நடவடிக்கை எடுக்க வேண்டும்.

ராஜா, சாத்தூர்.

நடவடிக்கை தேவைதினத்தந்தி புகார் பெட்டிக்கு 8939078888 என்ற வாட்ஸ்- அப் எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-

விருதுநகர் மாவட்டம் ஆமத்தூர் கிராமத்தில் இருந்து வந்த பொதுகழிவறை கட்டிடம் கால்நடை மருத்துவமனையாக மாற்றப்பட்டது. ஆனால் அதற்கு பதிலாக வேறு கழிப்பறை வசதி செய்து தரப்படவில்லை. கழிவறை வசதி இல்லாததால் கிராம மக்கள் குறிப்பாக பெண்கள் மிகுந்த சிரமத்திற்கு உள்ளாகின்றனர். ஆதலால் கழிவறை வசதி ஏற்படுத்திட அதிகாரிகள் உரிய நடவடிக்கை எடுக்க வேண்டும்.

பொதுமக்கள், ஆமத்தூர்.