தினத்தந்தி புகார் பெட்டி: மக்கள் குறைகள் தொடர்பான பதிவுகள்

பொதுமக்கள் அவதி

விருதுநகர் மாவட்டம் அருப்புக்கோட்டையில் இருந்து திருச்சுழி செல்லக்கூடிய கான்கிரீட் சாலை சேதமடைந்து வாகனங்களில் பயணிக்க முடியாத வகையில் மேடும், பள்ளமுமாக காட்சியளிக்கிறது. இதனால் பொதுமக்கள் அவதிக்குள்ளாகி வருகின்றனர். எனவே சேதமடைந்த சாலையை விரைவாக சீரமைக்க வேண்டும்.

பொதுமக்கள், அருப்புக்கோட்டை.

வேகத்தடை வேண்டும்

விருதுநகர் மாவட்டம் பாலவநத்தம் தெற்குப்பட்டி மெட்டுக்குண்டு-குல்லூர்சந்தை பிரிவு சாலையில் வேகத்தடை இல்லாததால் விபத்து ஏற்படும் அபாயம் உள்ளது. இதனால் பொதுமக்கள் சாலையை கடக்க மிகவும் அச்சப்படுகின்றனர். எனவே இந்த சாலையில் வேகத்தடை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

செல்வராஜ், பாலவநத்தம்.

ஆபத்தான பள்ளம்

விருதுநகர் மாவட்டம் சிவகாசி அருகே சித்துராஜபுரம் கருமன்கோவில் ரோட்டில் சாலையின் மையப்பகுதியில் ராட்சத பள்ளம் உள்ளது. இதனால் இரவு நேரங்களில் இந்த பகுதியை கடந்து செல்லும் வாகன ஓட்டிகள் இந்த பள்ளத்தில் தவறி விழும் சம்பவம் தொடர்கிறது. இதை தவிர்க்க ஆபத்தான பள்ளத்தை மூடி சாலையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

தனலட்சுமி, சித்துராஜபுரம்.

நடவடிக்கை தேவை

விருதுநகர் அருகே ஒண்டிப்புலிநாயக்கனூர் கிராமத்தில் இருந்து தாதம்பட்டி செல்லும் சாலை முற்றிலும் சேதமடைந்து காணப்படுகிறது. இதனால் சாலையில் செல்லும் வாகன ஓட்டிகள் மிகவும் சிரமப்படுகின்றனர். எனவே சேதமடைந்த சாலையை சீரமைக்க அதிகாரிகள் நடவடிக்கை எடுக்க வேண்டும்.

பொதுமக்கள், விருதுநகர்.

நாய்கள் தொல்லை

விருதுநகர் மாவட்டம் ஆலங்குளம் மற்றும் அதன் சுற்றுவட்டார பகுதிகளில் நாய்களின் தொல்லை அதிகமாக உள்ளது. இதனால் அந்த பகுதியில் உள்ள மக்கள் பெரும் இன்னலுக்கு ஆளாகின்றனர். இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், ஆலங்குளம்.