தினத்தந்தி புகார் பெட்டி: மக்கள் குறைகள் தொடர்பான பதிவுகள்

நாய்கள் ெதால்லை

விருதுநகர் மாவட்டம் சாத்தூர் பகுதிகளில் தெருநாய்கள் தொல்லை அதிகரித்து காணப்படுகிறது. இந்த நாய்கள் சாலையில் செல்பவர்களை துரத்தி அச்சுறுத்துவதால் பொதுமக்கள் வெளியே செல்ல அச்சப்படுகின்றனர். மேலும் வாகனங்களின் மீது மோதுவதால் அவ்வப்போது சிறு, சிறு விபத்துக்கள் நிகழ்ந்த வண்ணம் உள்ளன. எனவே இந்த பகுதியில் சுற்றித்திரியும் நாய்களை பிடித்து அப்புறப்படுத்த அதிகாரிகள் நடவடிக்கை எடுக்க வேண்டும்.

பொதுமக்கள், சாத்தூர்.

நடவடிக்கை தேவை

விருதுநகரில் இருந்து போராலி கிராமத்திற்கு செல்லக்கூடிய சாலையில் பெரும்பாலான மின்கம்பங்கள் சேதமடைந்து காணப்படுகிறது. ஆதலால் சேதமடைந்த மின்கம்பத்தை அகற்றி புதிய மின் கம்பங்களை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

நாராயணன், விருதுநகர்.

சேதமடைந்த சாலை

விருதுநகர் ராமமூர்த்தி ரோட்டில் உள்ள ெரயில்வே மேம்பாலத்தின் கீழ் பகுதி சாலை சேதமடைந்து குண்டும், குழியுமாக காட்சியளிப்பதால் பொதுமக்கள், வாகன ஓட்டிகள் மிகுந்த சிரமத்திற்கு உள்ளாகின்றனர். ஆதலால் சேதமடைந்த சாலையை விரைவாக சீரமைக்க வேண்டும்.

பொதுமக்கள், விருதுநகர்.

பஸ்வசதி

விருதுநகர் மாவட்டம் ஆலங்குளத்தில் இருந்து ஸ்ரீவில்லிபுத்தூர் செல்ல போதுமான பஸ்வசதி இல்லை. இதனால் இப்பகுதியில் உள்ள மக்கள் பெரும் இன்னலுக்கு ஆளாகின்றனர். அதிலும் குறிப்பாக மாணவர்கள் குறிப்பிட்ட நேரத்திற்குள் பள்ளிக்கு செல்ல முடியாத நிலை உள்ளது. எனவே மேற்கண்ட வழித்தடத்தில் கூடுதல் பஸ் இயக்க நடவடிக்கை எடுக்க வேண்டும்.

பொதுமக்கள், ஆலங்குளம்.

போக்குவரத்து நெரிசல்

விருதுநகர் மாவட்டம் வத்திராயிருப்பு முத்தாலம்மன் பஜார் பகுதியில் போக்குவரத்து நெரிசல் நாளுக்கு நாள் அதிகரித்து வருகிறது. இதனால் இப்பகுதியில் உள்ள மக்கள் பெரும் இன்னலுக்கு ஆளாகின்றனர். எனவே ேபாக்குவரத்து நெரிசலுக்கு நிரந்தர தீர்வு காண சம்பந்தப்பட்ட அதிகாரிகள் நடவடிக்கை எடுப்பார்களா?

கவிதா, வத்திராயிருப்பு.