தினத்தந்தி புகார் பெட்டி: மக்கள் குறைகள் தொடர்பான பதிவுகள்

மாணவர்கள் அவதி

விருதுநகர் மாவட்டம் சாத்தூர் ரெயில்வே கேட் பகுதியிலிருந்து ரெயில் நிலையம் வழியாக பஸ் நிலையம் செல்லயும் சாலையானது சேதமடைந்து காணப்படுகிறது. இதனால் இவ்வழியே செல்லும் பொதுமக்களும், மாணவர்களும் மிகவும் சிரமப்படுகின்றனர். எனவே மாணவர்களின் நலன் கருதி இந்த சாலையை சீரமைக்க அதிகாரிகள் நடவடிக்கை எடுக்க வேண்டும்.

பொதுமக்கள், சாத்தூர்.

பொதுமக்களை பயமுறுத்தும் நாய்கள்

விருதுநகர் மாவட்டம் ராஜபாளையம், தளவாய்புரம் மற்றும் அதன் சுற்றுவட்டார பகுதிகளில் நாய்கள் அதிக அளவில் சுற்றி திரிகின்றன. இதனால் சாலையில் நடமாட பொதுமக்கள், குழந்தைகள் அச்சப்படுகிறார்கள். மேலும் இரவு நேரங்களில் வாகனஓட்டிகளை இவை துரத்தி சென்று கடிக்கிறது. எனவே சம்பந்தப்பட்ட அதிகாரிகள் இப்பகுதியில் சுற்றித்திரியும் நாய்களை பிடித்து அப்புறப்படுத்த வேண்டும்.

வினோத், ராஜபாளையம்.

சாலையை சீரமைக்க வேண்டும்

விருதுநகர் மாவட்டம் அருப்புக்கோட்டை-திருச்சுழி சாலையில் ஆங்காங்கே சேதமடைந்து குண்டும், குழியுமாக காட்சியளிக்கிறது. மேலும் இந்த சாலையில் அவ்வப்போது சிறு, சிறு விபத்துகள் நிகழ்ந்த வண்ணம் உள்ளன. எனவே சம்பந்தப்பட்ட அதிகாரிகள் சேதமடைந்த சாலையை சீரமைக்க நடவடிக்கை எடுக்க வேண்டும்.

கணேஷ், அருப்புக்கோட்டை.

சுகாதார சீர்கேடு

விருதுநகர் மாவட்டம் ஸ்ரீவில்லிபுத்தூர் அருகே மாயாண்டிபட்டி தெருவில் கழிவுநீர் செல்ல வாருகால் வசதி கிடையாது. இதனால் இந்த சாலையில் கழிவுநீரானது தேங்கி நிற்கிறது. தேங்கிய கழிவுநீரால் இப்பகுதியில் சுகாதார சீர்கேடு ஏற்பட்டு தொற்றுநோய் பரவும் அபாயம் நிலவுகிறது. எனவே சம்பந்தப்பட்ட அதிகாரிகள் இந்தப்பகுதியில் வாருகால் அமைக்க வேண்டும்.

அன்பு, ஸ்ரீவில்லிபுத்தூர்.

சேதமடைந்த சாலை

விருதுநகர் மாவட்டம் அருப்புக்கோட்டையில் இருந்து பாலையம்பட்டி, வேலாயுதபுரம் ஆகிய பகுதிகளுக்கு செல்லும் சாலை சேதமடைந்து குண்டும், குழியுமாக காட்சியளிக்கிறது. இதனால் இந்த சாலையில் வாகனங்களை இயக்க முடியாமல் வாகனஓட்டிகள், பொதுமக்கள் மிகவும் சிரமப்படுகின்றனர். எனவே சம்பந்தப்பட்ட அதிகாரிகள் சேதமடைந்த சாலையை சீரமைக்க நடவடிக்கை எடுக்க வேண்டும்.

மாரிமுத்து, பாலையம்பட்டி.

நிழற்குடை சீரமைக்கப்படுமா?

விருதுநகர் அருகே தவசிலிங்கபுரம் பஸ் நிறுத்தத்தில் உள்ள பயணிகள் நிழற்குடை சேதமடைந்து விழும் நிலையில் உள்ளது. இதன் அருகே பள்ளி அமைந்துள்ளதால் மாணவர்களும், பஸ்சுக்காக காத்திருக்கும் அப்பகுதி மக்களும் வெயிலிலும் மழையிலும் நிற்க வேண்டிய சூழல் உள்ளது. பள்ளி மாணவர்களின் பாதுகாப்பு கருதி நிழற்குடையை சீரமைக்க நடவடிக்கை எடுக்க வேண்டும்.

ராஜ்குமார், தவசிலிங்கபுரம்.

நடவடிக்ைக தேவை

விருதுநகர் கருப்பசாமி நகரில் உள்ள சில மின்கம்பங்கள் சேதமடைந்து உள்ளதால் அந்த பகுதி மக்கள் பெரும் அச்சத்திற்கு உள்ளாகும் நிலை உள்ளது. மேலும் தற்போது மழைக்காலம் என்பதால் விபரீதங்கள் எதுவும் நிகழ்வதற்குள் சேதமடைந்த மின்கம்பங்களை சீரமைக்க தேவையான நடவடிக்கை எடுக்க வேண்டும்.

பொதுமக்கள், விருதுநகர்.

சேதமடைந்த குடிநீர்தொட்டி

விருதுநகர் மாவட்டம் குண்டாயிருப்பு ஊராட்சிக்கு உட்பட்ட பாறைப்பட்டி கிராமத்தில் சில வருடங்களுக்கு முன் கட்டப்பட்ட மேல்நிலை குடிநீர் தொட்டியின் அடிப்பாகம் மற்றும் மேல் பாகத்தின் சிமெண்டு பூச்சுகள் பெயர்ந்து சேதமடைந்து உள்ளது. தற்போது மழைக்காலம் என்பதால் அசம்பாவிதம் ஏற்படும் முன், உடைந்த அந்த மேல்நிலை தொட்டியை அகற்றி புதிய நீர்தேக்க தொட்டியை கட்டித்தர நடவடிக்கை எடுக்க வேண்டும்.

பாண்டியன், பாறைப்பட்டி.

வாருகால் வசதி தேவை

விருதுநகர் மாவட்டம் ராஜபாளையம் தாலுகா சுந்தர்ராஜபுரம் மாசாணம் கோவில் கிழக்கு தெருவில் வாருகால் வசதி இல்லை. இதனால் மழைக்காலங்களில் சாலையில் மழைநீருடன் கழிவுநீர் கலந்து சாலையில் ஓடுகிறது. ஆதலால் சாலையில் பொதுமக்கள் நடந்து செல்ல மிகவும் சிரமப்படுகின்றனர். எனவே இப்பகுதியில் வாருகால் வசதி செய்து தர நடவடிக்கை எடுக்க வேண்டும்.

மாயாண்டி, சுந்தர்ராஜபுரம்.

தடுமாறும் வாகன ஓட்டிகள்

விருதுநகர் மாவட்டம் முகவூர்-தளவாய்புரம் சாலை மோசமான நிலையில் சேதமடைந்து காணப்படுகிறது. சாலையில் ஜல்லிகற்கள் பெயர்ந்து உள்ளது. மேலும் மழையின் காரணமாக ஆங்காங்கே தண்ணீர் தேங்கி காணப்படுகிறது. இதனால் வாகனஓட்டிகள், நடைபாதையினர் சாலையில் பயணிக்க முடியாமல் சிரமப்படுகின்றனர். எனவே சாலையை சீரமைக்க அதிகாரிகள் நடவடிக்கை எடுக்க வேண்டும்.

ஆனந்தபாபு, தளவாய்புரம்.