தினத்தந்தி புகார் பெட்டி: மக்கள் குறைகள் தொடர்பான பதிவுகள்

கூடுதல் பஸ்கள் இயக்கப்படுமா?

மதுரை கிழக்கு தாலுகா ஒத்தக்கடை அருகே உள்ள புதுத்தாமரைப்பட்டியில் இருந்து மதுரை அரசு பள்ளிக்கு செல்லும் மாணவர்கள் போதிய அரசு பஸ்கள் இல்லாததால் மிகவும் சிரமப்படுகிறார்கள். எனவே கூடுதல் பஸ்கள் இயக்க நடவடிக்கை எடுக்க வேண்டும்.

முத்துமாயன், புதுதாமரைப்பட்டி, மதுரை.

தேங்கி நிற்கும் கழிவுநீர்

மதுரை மாவட்டம் சோழவந்தான் அருகே உள்ள தென்கரை ஊராட்சி 9-வது வார்டு வீதி பகுதியில் கழிவு நீர் தேங்கி நிற்கிறது. இதனால் அப்பகுதி மக்கள் மிகவும் சிரமப்படுகின்றனர். மேலும் நோய் பரவும் அபாயமும் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

கவுரிநாதன், தென்கரை, மதுரை.

விபத்து அபாயம்

மதுரை- சிவகங்கை ரவுண்டானா சாலையில் இணைப்பு பாலம் அடியில் போக்குவரத்துக்கு இடையூறாக சிலர் லாரி உள்ளிட்ட வாகனங்களை நிறுத்துகின்றனர். இதனால் விபத்து ஏற்படும் அபாயம் உள்ளது. எனவே இதுகுறித்து நடவடிக்கை எடுக்கப்படுமா?

சரவணன், மதுரை.

பொதுமக்கள் சிரமம்

மதுரை மாவட்டம் திருப்பரங்குன்றம் ரெயில்வே சுரங்க பாலத்தில் கழிவுநீா் தேங்கி காணப்படுகிறது. இதனால் அந்த வழியாக செல்லும் பொதுமக்கள், வாகன ஓட்டிகளுக்கு இடையூறு ஏற்படுகிறது. இதனை சரிசெய்ய சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், திருப்பரங்குன்றம், மதுரை.தினத்தந்தி புகார் பெட்டி: மக்கள் குறைகள் தொடர்பான பதிவுகள்தினத்தந்தி புகார் பெட்டி: மக்கள் குறைகள் தொடர்பான பதிவுகள்

நாய்கள் தொல்லை

மதுரை மாட்டுத்தாவணி பஸ் நிலையம் மற்றும் அதன் சுற்றுவட்டார பகுதிகளில் நாய்களின் தொல்லை அதிக அளவில் உள்ளது. இதனால் பயணிகள் மிகவும் அவதிப்படுகின்றனர். எனவே பயணிகளின் நலன் கருதி நடவடிக்கை எடுக்கப்படுமா?

சேகர், மதுரை.